Nan dènye ane yo, kontwòl teritwa nasyonal la te chape de pli zan pli Leta ayisyen. Gang anplis gaye laterè, tou kòmanse konfli nan kote yo kontwole yo lè yo sèvi kòm jij ak bouro. Mefyans nan enstitisyon leta yo plane nan kèk katye ouvriye, ki pouse kèk moun tounen vin jwenn gang pou rezoud konfli yo. Defenseurs Plus mande otorite Leta a responsablite yo devan ensekirite kriminèl pou yo ka libere katye ki anba enfliyans gang ame.

Gang ame ap gouvènen nan plizyè minisipalite nan peyi a epi yo kontwole zòn metwopolitèn nan nèt. Yon gwo prezans gwoup ame nan plizyè vil pwovens ap grandi anba pasivite absoli otorite yo. Moun ki ame yo piye, vyole ak touye ak enpinite. Sitiyasyon an vin pi konplike depi 12 septanm nan gouvènman an te pran desizyon pou ogmante pri pwodwi petwòl yo. Enstitisyon Leta yo ap travay al ralanti, bay popilasyon an kat blanch pou yo aji andeyò lalwa.

Ensekirite reyèlman pa epanye pèsonn. Soti nan sitwayen òdinè rive nan figi politik yo, yo tou soufri nan ensekirite. Gen Yvon BUISSERETH ak Eric JEAN BAPTISTE, gad kò l Peterson Vernius, ki te asasine nan Laboule 12, respektivman 6 out ak 28 oktòb 2022, nan lis long viktim ensekirite nan peyi a. An menm tan, Collectif Défenseurs Plus obsève yon kontinwite nan ka kidnapin pandan de (2) dènye semèn yo nan diferan katye nan Pòtoprens. Nou ka site ka ansyen Minis Planifikasyon ak Koperasyon Eksteryè, aktyèl manm konsèy egzekitif pati Fanmi Lavalas la, Anthony DESSOURCES, kidnape 29 oktòb nan Puits-Blain, Delmas 75, epi lage sis (6) jou apre. .

Youn nan fonksyon debaz nenpòt Leta se asire sekirite sitwayen li yo ak entegrite teritwa li. Anplis de sa, Deklarasyon Inivèsèl Dwa Moun yo te reyafime dwa a sekirite nan atik 3 li a lè li di ke tout moun gen dwa a lavi, libète ak sekirite moun. Sa a repete nan Konstitisyon ayisyen an 1987 nan atik 19 li: “Dwa a sekirite dwe garanti pou tout sitwayen”.

Anplis de sa, enstitisyon polis la san fòs kont gang, li pa rive tabli yon klima sekirite nan peyi a, ki pa ta favorab pou retounen lekòl ki annatant toujou. Gouvènman ayisyen an admèt li enkapasite pou asire sekirite machandiz ak moun ann Ayiti, li mande kominote entènasyonal la èd pou rezoud kriz sekirite ak imanitè a. Kidonk, Kolektif Defanseurs Plus la mande tout aktè nan sosyete a mete tèt yo ansanm pou elimine kriz endemik sa a nan peyi a ki menase sekirite tout moun.

Fè nan Pòtoprens, 7 novanm 2022

Chaïna Etienne
Direktè Pwogram
Tel: 509 38 92 7055